کوپا دلا رے یا اسپینی کپ کے پہلے میچ میں بظاہر اسکور بورڈ میڈرڈ کے حق میں دکھائی دیتا ہے جیسا کہ امید بھی تھی کہ کاڈز دوسرے درجے کی لیگ کی ٹیم ہے اور اس کے لیے آدھی میڈرڈ کی ٹیم بھی کافی تھی۔
منفی
1-سب سے پہلے تو چیری شیو کو کھلا کر میڈرڈ نے بڑی غلطی کی ہے اور اصول کے مطابق اس نے پچھلی بار تین زرد کارڈ لیے تھے جس کی وجہ سے وہ یہ میچ کھیلنے کے لیے معطل تھے لیکن کوچ اور بقیہ اسٹاف نجانے کدھر گھوڑے بیچ کر سو رہا تھا کہ انہوں نے اس کو کھلانی کی غلطی کی اور جب تماشائیوں نے نعرے لگائے کہ "چیری شیو پر پابندی ہے، بینیتز ٹوئیٹر دیکھو" تو ان کو ہوش آیا اور دوسرے ہاف میں بھی اس کو ہاف شروع ہونے کے چند اسکنڈ بعد باہر بلایا گیا۔ اس عمل سے گرچہ میڈرڈ نے چیری شیو کے زریعے گول حاصل کیا لیکن خطرہ ہے کہ میڈرڈ کو ڈس کوالیفائی کر دیا جائے اور لیگ تو ویسے ہی مشکل لگ رہی ہے اب لگتا ہے کہ میڈرڈ کپ سے بھی ہاتھ دھو بیٹھے گا۔
2۔ بے شک تین گول بھی سکور کیے اور میچ پر حاوی بھی رہے لیکن مخالف باکس میں کسی بھی طرح کی مومنٹ ایک بار پھر میڈرڈ کے کھلاڑی پیدا نہیں کر سکے اور زیادہ تر حملے لمے پاسوں اور انفرادی صلاحیت کے بل بوتے پر ہوئے۔
مثبت
ناچو کی بطور فل بیک کارکردگی دن بہ دن بہتر ہورہی ہے اور نئے کھلاڑی مارکو یورنتے کے کھیل نے بھی متاثر کیا۔
